الشباكية فهي من الحلويات المغربية التي تحضر فالاغلب في شهر رمضان الكريم ولي تيكون اقبال كثير عليها ولي تتميز بمذاقها الرائعة بالنسبة لهد الوصفة فهي خلاصة تجارب عديدة لانجاح هد الشباكية ولي مقاديرها مضبوطة وانشاء الله تنال اعجابكم كفما نالت اعجاب لي جربوها وكانت ناجحة
بالنسبة المقادير
كيلو دقيق
180غ زنجلان محمر غير شوية ومطحون منيل ومغربل فالغربال بعيون صغير
100غ لوز مطحون بقشرتو منيل ومغربل فالغربال بعيون صغيرة
8 شعيرات زعفران الحر
قبصة ملح
8غ خميرة كيماوية
نصف ملعقة صغيرة مسكة حرة مطحون مع ملعقة سنيدة او دقيق ليسهل طحنها
اصفر بيضة
ملعقة كبيرة قرفة
ملعقتان كبيرتان نافع محمرشويييييييية ومطحون ومغربل كذلك
ملعقة صغيرة حبة حلاوة محمرة شويييية ومطحونة ومغربلة كذلك
120 مل زبدة مذابة ونخليوها تا تغلي ونزولو لها اللبن لي فيها لي تترسب فالاسفل
120مل (60 مل زيت المائدة +60 مل زيت الزيتون)
30مل خل ابيض من الافضل
250مل (125مل ماء الزهر+125مل ماء)
عسل الشباكية هنا
للتزيين زنجلان
بالنسبة للمقادير
ضروري جميع النواشف تكون مغربلة فالغربال بعيون صغيرة ولو تياخد وقت ولاكن باش متقطعش لينا العجينة اثناء التوراق والتشباك
بالنسبة للزنجلان يتحمر فقط شويييييية لانه الا تحمر بزاف فملي انقليو الشباكية الزنجلان تيتحرق لانه سبق وتحمر بزاف وبالتالي تتكون الشباكية تتشرب اكثر الزيت وتتكون مشبعة زيت ولهدا مغديش تبغي تشرب العسل
بالنسبة للوز تتيتطحن خضر ولنفس السبب
بالنسبة للدهون المستعملة فمقادير الشباكية تتكون دائما مابين 240 مل الى 250مل لااكثر سواء الاستعملنا 240 مل زبدة او ماركرين او زبدة مع وزيت المائدة او زبدة مخلطة مع زيت المائدة وزيت الزيتون
بالنسبة للسوائل تقريبا تتكون فكيلو دقيق دائما نفس كمية الماء مساوية لكمية الدهون اي 250مل وممكن تزيد بمللترات حسب نوعية الدقيق
بالنسبة لخميرة انا استعمل الكماوية فقط لااسبب اولا اشباكية تنحبها رقيقة وثانيا انا يد وحدة اي تنشبك العجينة تنساليها بشوية عليا وبعد ذلك نقليها واخيرا الشباكية بعد مدة تتاتر مذاقها بسبب الخميرة المعجونة
الطريقة الخلط عندها دور كذلك فنجاح الشباكية
اولا تناخد الدقيق مع الزيت والزبدة ونخلطهوم مزيان ونبسبسهوم مزيان ونخلي الخليط مدة 3 ساعات باش الدقيق يتشرب الدهون ومتطلقش العجينة الدهون ديالها سواء اثناء التوراق او اتناء القليوهد الطريقة تتخلي الشباكية هشيشة ومقرمشة
بعد مرور3 ساعات تنغربلو الدقيق فالغربال بعيون صغيرة ونضيف المكونات الاخرى اي الزنجلان واللوزوالنافع وحبة حلاوة وقرفة ومسكة حرة وخميرة واصفر بيضة وقبصة ملح والاكيد الكلللل مغربل
تخلطوبيدينا شوية تم نضيف زعفران شعرة بعدما سخناه شوية وطلقناه فماء الزهر ونضيف كمية الماء ونخلطو وفالاخير الخل لان الخل تياتر على البيض الا نساجمو معا فنفس المرحلة ونبداوفالعجين ونضيف الماء حسب العجينة حتي تجمع وتصير عندنا عجينة متماسكة وغير لينة ليسهل علينا التوراق وكذلك التشباك وكذلك الاكانت العجينة رطبة بزاف تتقصاح الشباكية اثناء القلي
ثم نقسما لكرات صغيرة ونوضعها فبلاستيك غدائي كما الكل تيعرف ونخليها ترتاح 10 د وبعد ذلك توضعها فالثلاجة ونبدا نخرج شوية بشوية لسبب انها كلما بقات داخل البلاستيك فالعجين تتطلق الدهون ديالها وهد الدهون تتاتر على العجينة ملي تنخدمو بيها
ونبداو فالتوراق سواء بالدلاك او الة سباكتي imperia انا تناخد العجين ندلكها شوية ندوزها فالرقم 3
تم نبدا فالتشكيل العجين حسب الاشكال لي حبينا
اولا الشكل التقليدي
تندلك العجينة ونتدوزها فالة سباكتي رقم 3
نقطعها بالجرارة او القطاعة انا تنفضلها لان الشباكية تتخرج بنفس القياس
وتنخد الشكل ديالنا ونضعها فوق اصبع ديالي بحت تلات خطوط فالامام واثنان في الخلف
ثم نلاقي الزوايا معا ونحاول ادخالهما مابين الخطوط ونخرجهوم من الجانب الاخر
تم شكل الوردة
نقطع شرائط من العجينة
ونلف الشريط اولا كما في الصورة ثم نبدا في لف الشريط على نفسه
الا ان نحصل على وردة
تم شكل السبولة
تم تندخل واحد الجانب داخل التقطيع لي فالوسط ونخرجها ونحصل على هد الشكل
وبعدما تنشكلوكل شكل ديالنا فتنغطيوها بالبلاستيك الغدائي باش متاترش بالجو وتقصاح حتى نساليو باقي العجين ثم نبدا فمرحلة القلي
لي نحتاج فيها العسل يكون دافئ ونضيف ليه شوية دماء الزهر لاعطاء نكهة للعسل
والزيت متكونش سخونة بزاف والا غير اتلوحي الشباكية اتحرق من على برا قبل لداخل ميطيب وتجي معجنة
وصفاية فاش نوضعو فالاخير شباكية
فتناخد الشباكية تنوضعوها فالزيت حتي يكون لونها ذهبي ماشي بني غامق ولا شباكية كلما طابت اكثر كلما اتقصاح
تم نقطروها ونطفيوها فالعسل
وفالاخير تنحصلو على الشباكية ديالنا هشيشة ورقيقة وشاربة العسل وتنزينوها بزنجلان
بالنسبة لطريقة احتفاضي بالشباكية توضعها فبواطة مفروشة بالالومنيوم ونوضع فيها شباكيتي ونوضع معها 2 طوبات السكر وندريها فالثلاجة وبسبب الكليكوز تيخلي العسل لي لاصق فالشباكية تابت وجامد عليها مدة طويلة وعند الاحتياج تنخد المقدار لي بغيت قبل التقديم بساعة وبالصحة والراحة ورمضان مبارك
إرسال تعليق